Paroles de François Loriaux, musique de D. Berniaux. C’était la chanson de Paul Dehoux, ménuisier, ami de la famille Meurs d’Obaix.
On a chaqu’ is n’amusemént su l’terre
C’est st’enn’ affaire
Qu’tout l’monde sait bén.
Y nia des céns qui sont pidgeonisses
D’aut’s pinsonisses
Ça n’nos r’gard’ nén.
C’ti là c’est l’djeux d’quilles
En’ aut’ roul’ à filles,
Mins mi d’jaime’ il djeux d’cautes,
Dji n’m’ertourn’ nén des autes,
I m’chenn’ qu’on bout’ chacun à s’maute.
On a tertous ses passions
Mi d’ador’ il djeux d’couyons,
Fuch’ tête-à-tête
N’y a rén qu’m’embête
L’couyon faurci
Ou l’djeux d’Djilly
Vive il Wiss’, vive il’ Piquet
Il Pandour ou l’Ecartet,
C’est dins m’nature
Et dji vos l’jure,
C’est m’n’amus’mint
Et m’contint’mint !
Au gnût quand nos djournées sont finies
Pou fait s’partie
On s’réunit.
On est st’au cabaret tout à s’n’auche,
Eyet binauche,
Dlé ses amis.
On s’fout d’politique
Et d’tout’ la boutique,
Les soucis, les tracas
Et tous les embarras
On n’pou mau d’sondgî à tout ça !
Il djeu d’caute m’a valu pu d’ènn’ pronne
Pu d’ène tamponne
Di permission.
Bén tard zigzagant dji m’achemine
R’trouver Catrine,
M’pètit mouchon.
Min quand dji rinterre
V’la qu’èle vocifère :
« Vaurén, va, dji t’quitterai
ou bén dji t’estronn’rai. »
Min mi, dji tchante pou l’consoler :
On a tèrtous ses passions
V’nèz d’léz mi fait vos couyon,
Allons chérie
Fuchez d’jintîye
Dji djouerai bén
Dji n’trich’rai nén.
Si vos préfèrez l’Piquet
Dj’n’ai-t-à cur’ au djeu qu’vos vlez,
Tenez v’la l’croye
Marquéz les royes
M’pètit pouyon
Dji m’sint dins l’bon !