C’était « la » chanson de l’oncle Pierre Piret !
El mwès passé dj’ai stî vinde èm’ vélo
Pou fé dè m’yane, dj’ai voulu n’bèle moto
Mins djè m’dè r’pinds, djè n’sarais pu soûrtu
Sins-z-avwè m’feume à m’cul.
Elle est toudi derrière, derrière, derrière
Què dj’voye dispu Tcharlèrwè s’qu’à Dgilly
Elle est toudi padrî.
Pour Pélagie, èm’moto c’est du niou
Faut qu’dj’è l’pourmène deux twès coups tous les djous
Ele m’oblidge min.me à l’min.ner s’qu’au martchî
Si n’faut qu’twès cèlèris.
Elle est toudi derrière, …
C’est l’cas dè l’dire, tout comme yun d’mes vijins
Què djai n’bèlle kèrtche su les reins.
Dins l’timps, djè l’avoue sins pu d’imbarras
Djè p’leu foute in coup d’canif dins l’contrat
Avè m’tchouf tchouf, asteur djè su l’dindon
Djè n’fé pu … d’occasion
Elle est toudi …
Si dj’frais n’clignote à n’djone fîye en passant
Dj’s’rais mindji tout viquant
S’y faut qu’èle tousse, èl m’èspite dins les tchfeûs
S’èle èstiernit, èle vè m’foute in buja
Tous les quart d’heures, faut qu’dj’arrête èl bidon
Pour léye fait s’commission
Elle est toudi …
Pou rire èle mè cakîe padzous mes bras
Ou m’cwèfe avè s’tchapia.
Dj’asproufe souvint dè l’foute les pattes in-n-air
Dju di s’tape-cul né moyî dè l’fait tchére
Au trèvî d’tout, dins les trôs, les richots
Djè l’èskeu comme in sot.
Elle est toudi …
I faut cwére qu’èle est soudéye à l’arpwès
Pou n’nî fait l’cumulet.
N’ya qu’ène sakwè què dj’pou fai, djè l’convî
Sins qu’Pélagie n’s’apèrsuviche dè rî
C’esse-t-in p’tit brû què d’léche parti douc’mint
In fèyant l’inocint.
Yè lèye qu’est là derrière …
Ele mè suke in disant qu’y n’ya bî seûr
Des ratés dins l’moteûr.
Mes bravès djins, dè m’moto dj’ai l’dèsgout
Si dji n’sé l’vinde, dji f’rai n’lot’rîye avoû
Su l’papî dji l’vos garanti deux ans
Yèt comme prime au gagnant
Dji lèyerai m’feume derrière …
Eyèt m’bèlle-mère pour dè yèsse dèskèrtchî
A l’coupète du martchî.