Dans le carnet n° 1 de Julia Tamigneaux
François Meurs en avait une copie dans son portefeuille …
Vos vos marièz, èm’ fîye c’ès-t-ène affaire
Qui faut sondji bî des coups d’vant dè l’fait
Ascoutez bî les consèy’s dè vos frére
Paskè n’faut nî vos léchî ingueuser
Ascoutez bî, tout in buvant vos tasse
C’est vos bounheûr, savéz, qui m’fait parler
Mais tè brai co, allons foutue bonasse
I faut tchanter, Fifine, i faut tchanter.
Vos savéz bî qu’dins les pu bias min.nâdges
Cor qu’on s’vîrout tous les deux pu voltî
In rî du tout, pa coup toûrne à l’oradge
« C’est mi qu’a dwèt », vos n’homme dira ainsi.
Si par hasard, i bwèt kékes pètits verres
N’respondez nî, putoût qu’dè l’bèrdèler
Tchantez n’tchanson, n’a pon d’avance à braire
I faut tchanter, Fifine, i faut tchanter.
Si l’Bon Djeu vu, pou bèni vos mariâdge
Qu’in djou ou l’aut’, y vos vienne in p’tit fi
Seul’mint adon què vos-z-arez d’louvrâdge,
A tout moumint, i vos faura l’sougnî
S’i brai par nut’, vos faut r’lèver tout d’suite
L’èrnètiyî, l’apaijî, l’èrlaver
Et puis après, pour l’endormir plus vite,
I fait tchanter, Fifine i faut tchanter.
Vos viyî bî qu’i vos faura dèl tièsse
Em’ poûve Fifine, pou n’nî mori d’chagrin
Les djâles véront pa l’uche ou pa l’fèrnièsse
Priyî l’Bon Djeu au nûte et au matin
Si vos-z-astez dins l’bounheur, dins l’misère
Cor què n’sarou què pou vous r’ consoler
Tchantez n’tchanson, n’a pon d’avance à braire
I faut tchanter, Fifine, i faut tchanter.